Дотоодын зайрмагийн зах зээлд манлайлагч “Айсмарк” компани Монгол орны байгалийн баялаг уламжлалт түүхий эдийг орчин үеийн технологитой хослуулан зайрмаг үйлдвэрлэлийн салбарт тэргүүлэгч байр сууриа бататгасаар байна. Бидний амтат бүтээгдэхүүн бүрийн амжилтын үндэс нь түүхий эдийн өндөр чанартай шууд холбоотой. Экологийн цэвэр бэлчээр бүхий бүсчлэл дэх олон жилийн хамтын ажиллагаатай малчдаасаа органик сүү, цөцгий, айраг зэрэг гол түүхий эдийг татан авч, үйлдвэрлэлээ явуулж байна. Улмаар үржил шимтэй малын сүүнээс гаргаж авсан эдгээр түүхий эд нь уламжлалт зөөлөн амтыг бүрдүүлэхээс гадна лаборатори, химийн гуравдагч нэгдэлтэй урвалд ороогүй нь давуу тал болж буй. Мөн Монгол орны үржил шимт байгалиас гаралтай витамин шим тэжээлээр баялаг зэрлэг жимс жимсгэнэ нь хөлдөөсөн бүтээгдэхүүний гол түүхий эд юм. Бидний бүтээгдэхүүндээ өргөн хэрэглэдэг нэрс, чацаргана, аньс жимс нь дархлаа дэмжих, антиоксидант чанараараа онцгой. Жил бүр бүтээгдэхүүн хөгжүүлэлтийн хэсэгт тусгайлан анхаардаг бөгөөд 2024 онд хуш модны самартай зайрмаг үйлдвэрлэснээр эрүүл мэндэд ээлтэй, амтлаг төрлийг нэмлээ. “Айсмарк” ХХК нь Монгол орны баялагт тулгуурлан, байгалийн цэвэр түүхий эдийн шимийг шингээсэн 100 гаруй нэр төрлийн бүтээгдэхүүнийг хэрэглэгчдэдээ хүргэхийн сацуу хилийн чинад дахь худалдан авагчдын талархлыг хүлээн, дэлхийд үнэлэгдсээр байна.